Genişləndirilmiş servis xidməti yalnız Azərbaycan Respublikasının ərazisində 2025-ci il 7 noyabr – 31 dekabr tarixləri arasında alınmış və aktivləşdirilmiş HONOR X9d model smartfonlara aiddir.

Alış tarixindən etibarən ilk 6 ay ərzində, ön paneldə (sensor şüşə və ya displey) mexaniki zədələnmə baş verdiyi halda, istifadəçi cihazı aldığı satış nöqtəsinə və ya rəsmi icazəli HONOR servis mərkəzinə müraciət edə bilər:

Xidmət üçün zəmanət talonu və alışı təsdiqləyən sənədin (kassa qəbzi, mal qəbzi və s.) təqdim edilməsi vacibdir. Bu halda cihaz tam pulsuz təmir olunur – həm ehtiyat hissəsinin, həm də onun dəyişdirilməsi işinin dəyəri ödənilmir.

Ön panelin mexaniki zədələnməsi dedikdə, cihazın sensor şüşə və ya displeyinin təsadüfi zədələnməsi və nəticədə smartfonun normal istifadəsinin mümkünsüzləşməsi nəzərdə tutulur.

Xidmət aşağıdakı hallara şamil edilmir:

• yalnız “kosmetik” xarakterli zədələr (məsələn, ekran və ya yan səthlərdəki cızıqlar, kiçik çatlar və s.);
• cihazın istehsalçı tərəfindən səlahiyyət verilməmiş şəxslər tərəfindən sökülməsi, təmiri və ya dəyişdirilməsi nəticəsində yaranmış nasazlıqlar.

İstehlakçı bu xidmət çərçivəsində pulsuz təmir əvəzinə cihazın dəyərinin ödənilməsini, yeni cihazla əvəz olunmasını və ya satış qiymətinin azaldılmasını tələb edə bilməz. Genişləndirilmiş servis xidməti yalnız pulsuz təmir imkanı təqdim edir və hər hansı pul kompensasiyası nəzərdə tutulmur.

Zədələnmiş hissənin dəyişdirilmə müddəti servis mərkəzində ehtiyat hissələrinin mövcudluğundan və logistika imkanlarından asılı olaraq fərqlənə bilər.

Xidmətin göstərilməsi üçün yuxarıda sadalanan bütün şərtlər tam şəkildə yerinə yetirilməlidir. Servis mərkəzi cihazı qəbul etdikdən sonra şərtlərdən hər hansı birinə uyğunluq olmadığı aşkarlanarsa, pulsuz təmir xidmətinin göstərilməsindən imtina oluna bilər.