Hissə-hissə ödəniş

Soliton Azərbaycanda fəaliyyət göstərən multibrend mağazalar şəbəkəsidir. Burada dünyaca məşhur brendlərin geniş çeşiddə elektronika, məişət texnikası, mobil telefon və digər məhsullarını tapmaq mümkündür.
Soliton müştərilərinə yalnız keyfiyyətli məhsullar deyil, həm də rahat ödəniş imkanları təqdim edir.

Kredit şərtləri və qaydaları

1. Kreditin ümumi şərtləri*:

• Kredit yalnız 18-65 yaş arası Azərbaycan Respublikası vətəndaşlarına verilir.

• Kredit məbləği üçün minimal hədd yoxdur, lakin aylıq ödəniş 5 AZN-dən az ola bilməz.

• Maksimal kredit məbləği 3000 AZN təşkil edir.

• Ödəniş müddəti minimum 3 ay, maksimum isə 24 ay ola bilər.

• İlkin ödəniş yoxdur. (Bəzi hallarda 10%-dən başlayan ilkin ödəniş tələb oluna bilər.)

2. Tələb olunan sənədlər:

• Azərbaycan Respublikası şəxsiyyət vəsiqəsi (etibarlılıq müddəti bitməməlidir).

• Rəsmi iş yeri və ya daimi gəlir mənbəyi olmalıdır. (Minimum 3 ay iş stajı tələb olunur.)

*Hissə-hissə ödəmə ilə bağlı son qərar kredit mütəxəssislərimiz tərəfindən verilir, əlavə tələb irəli sürülə bilər. Hissə-hissə ödəniş imkanından həm onlayn, həm də mağazalarımıza yaxınlaşaraq yararlana bilərsiniz.

3. Əlavə ödənişlər:

• Hissə-hissə ödəniş zamanı komissiya xərci** tətbiq olunur. Komissiya xərcinin ödənişi mütləqdir.

  • Məişət texnikası və elektronika məhsulları üzrə komissiya 7%-dir və hesablanan məbləğ 20 AZN-dən az olduqda minimum 20 AZN tətbiq edilir. İstisna olaraq, mobil telefonlar və mobil aksesuarlar üzrə komissiya 9% təşkil edir. Mobil telefonlar üzrə hesablanan məbləğ 20 AZN-dən az olduqda minimum 20 AZN, mobil aksesuarlar üzrə isə hesablanan məbləğ 10 AZN-dən az olduqda minimum 10 AZN tətbiq edilir.
    Endirimli qiyməti 6 ay faizsiz bölmə kampaniyasına görə 6 aya qədər komissiya endirimli qiymətə əsasən, 6 aydan yuxarı isə etiket qiymətinə əsasən hesablanır. 
    Hissəli alışlarda ilkin ödənişsiz aylıq məbləğlər göstərilir.