Yeni Galaxy Z seriyası - Texnologiyada qaydalar dəyişdi!

Hər il Galaxy Z seriyası yenilənir, hər il bir az incəlir, bir az yüngülləşir. Lakin bu dəfə hər şey biraz da fərqlidir. Samsung 22 iyul 2026-da Londonda üç model açıqladı və onların hər biri bir əvvəlkindən fərqli istiqamətdədir.

Z Fold8 Ultra Z seriyasında ilk dəfə "Ultra" adını daşıyır. Z Fold8 tamamilə yeni forma faktoruna keçdi. Z Flip8 isə FlexWindow-u əsl mini ekrana çevirdi. Bunların hamısı eyni gündə, eyni səhnədə baş tutdu.

Galaxy Z Fold8 Ultra — qatlanabilən smartfonda Ultra nə deməkdir?

"Ultra" adı Samsung üçün boş söz deyil. S seriyasında Ultra dedikdə S Pen, 200 MP kamera, ən böyük batareya gəlir. Z seriyasında Ultra dedikdə nə gəlir?
Cavab: 8 düymlük əsas ekran. Açıq vəziyyətdə cəmi 4.1 mm qalınlıq. 5000 mAh batareya. Və ən əsası, Fold8 Ultra-nın böyük ekranı üçün xüsusi hazırlanmış AI funksiyaları.

Now Nudge sadəcə xatırlatma deyil
Çox vaxt telefonlardakı "ağıllı" funksiyalar əslində ağıllı deyil: sizə lazım olmayan anda bildiriş göndərir, ya da sizin özünüz aktiv etməlisiniz. Now Nudge fərqlidir. Məsələn, biri sizə mesaj yazır: "Cümə axşamı görüşək?". Now Nudge bunu oxuyur, Təqvim tətbiqini Multi Window-da yanınızda açır və soruşur: əlavə edim? Siz heç bir düymə basmamısınız. AI sadəcə hiss etdi ki, bu anda iki tətbiqə birdən baxmaq lazım ola bilər.
Bu kiçik bir şey kimi görünür. Amma gün ərzində onlarla belə an olur və hər dəfə bir-iki saniyə qazanmaq iş tempini dəyişir.

Gemini Notebook ilə görüş protokolunu slayta çevirin
Görüşün audio yazısını yükləyirsiniz. Gemini Notebook onu xülasə edir. Sonra eyni mənbədən slayd şousu, podkast, test sualları hazırlaya bilər. Fold8 Ultra-nın böyük ekranında bütün bunlar yan-yana görünür. Bu tamamilə yeni bir iş tempidir amma artıq mümkündür.

Flex Titanium ilə qırış görünmür
Qatlanabilən ekranların ən böyük estetik problemi qırış idi. Fold8 Ultra-da yeni Flex Titanium texnologiyası menteşə gərginliyini, maqnit düzümünü, ekran kənarlarını birlikdə optimallaşdırır. Qırış tamamilə yox olmur, amma çox azalır.

Galaxy Z Fold8 eyni smartfon deyil, tamamilə fərqlidir

Bütün əvvəlki Fold modellərinin bir problemi vardı: açıldığında uzun və dar idi. Sanki iki smartfon bir-birinə yapışdırılmışdı. Film baxanda hər iki tərəfdə böyük qara zolaqlar qalırdı. Oyun oynayanda da.

Z Fold8-in ekranı 4:3 nisbətindədir. Bu, klassik planşet nisbətidir, bununla da film, oyun, veb səhifəsi, e-kitab üçün daha təbii görüntü yaradır. Cihazı çevirdikdə 3:4 olur ki, kitab oxumaq üçün mükəmməl variantdır. Qapaq ekranı 10:16 isə qısa video üçün idealdır. Bir ekranla üç fərqli istifadə vəziyyəti üçün üç fərqli ekran nisbəti.

201 qram — bu rəqəm niyə vacibdir?
Böyük ekranlı qatlanabilən telefon ağır olur. Bu, uzun müddət dəyişməyən bir həqiqət idi. Z Fold8 bu problemi aradan qaldırdı. 201 qramla Galaxy Z Fold tarixinin ən yüngül modelidir. Uzun müddət əlinizdə tutmaq yorucu olmur.

My FanCam ilə kəsintisiz video
Konsertdə telefonu uzadıb videoya çəkirsiniz amma səhnədəki adamlar o qədər kiçik görünür ki. My FanCam bir şəxsi seçir və video ərzində onu izləyir, avtomatik çərçivəyə alır. Redaktə yoxdur, kəsmə yoxdur. Çəkdiyiniz kimi görünür.

Galaxy Z Flip8 — FlexWindow artıq ayrı bir ekrandır

Z Flip seriyasını sevənlər bilir: əvvəllər FlexWindow-un bacarıqları məhdud idi. Hava, saat, bəzi widget-lər. Faydalı idi amma qane edici deyildi.

FlexWindow-da indi tətbiqlərin özünü işlədə bilərsiniz. Gallery-ni açırsınız, şəkillərə baxırsınız. Mesajınıza cavab yazırsınız. Tapşırığı işarələyirsiniz. Bütün bunlar telefonu açmadan, cibdən çıxarmadan.

Now Brief ilə sabah planınız hazırdır. FlexWindow açıldığında o günün xülasəsini görürsünüz: hava, cədvəl, vacib bildirişlər, məzənnə. Buna görə telefonu açıb tətbiq axtarmaq lazım gəlmir.

Kamera ilə iki baxı bucağı, bir çəkiliş. Dual Recording ilə ön və arxa kamera eyni anda çəkiliş edir. Nəticədə iki bucağın eyni videoda birləşdirilmiş görüntüsünü alırsınız. Vloq çəkənlər üçün əla xüsusiyyətdir. Heç bir montaja ehtiyac yoxdur.

Camcorder Grip isə Flip-in qatlanmış formasından istifadə edir: bir əllə kamera kimi tutursunuz, Super Steady horizontal kilidi isə getdiyiniz zaman görüntünü sabit saxlayır.

Açıq vəziyyətdə 6.1 mm, 180 qram. Bükülmüş halda cibdə demək olar ki, hiss edilmir.

Üçündən hansı biri sizə uyğundur?

Sadə sual: bu telefonu əsasən nə üçün istifadə edəcəksiniz?

İş, məhsuldarlıq, çox pəncərəli istifadə: Z Fold8 Ultra. 8 düymlük ekran, Now Nudge, Gemini Notebook. Yalnız böyük ekran istəyirsinizsə deyil, həmin ekranı tam istifadə etmək istəyirsinizsə seçin.

Film, oyun, sosial media, kontent yaradıcılığı: Z Fold8. 4:3 ekran bu məqsədlər üçün Ultra-dan daha yaxşı ola bilər. Daha yüngüldür, daha ucuzdur, My FanCam video çəkilişini dəyişir.

Portativlik, stil, gündəlik rahatlıq: Z Flip8. Cibdə ən az yer tutan foldable modeldir. FlexWindow-dan hər şeyə çatırsınız. Qatlanabilən telefon istəyirsiniz amma böyük ekran şərt deyilsə, bu sizin modelinizdir.

Nəticə olaraq

Samsung bu il qatlanabilən telefon haqqında bir sıra köhnə qayda-qanunları kənara qoydu. Ultra adını Z seriyasına da gətirdi. Fold8-in ekranını yenidən düşündü. Flip8-in qapaq ekranını əsl funksional hala gətirdi.

Hər üçü 3 avqust 2026-dan etibarən Soliton mağazalarından satışdadır.