Bu sənəd www.soliton.az internet səhifəsindən istifadə qaydalarını, tərəflərin hüquq və öhdəliklərini, eləcə də onlayn sifariş və ödəniş mexanizmini müəyyən edir. Saytdan istifadə etməklə İstifadəçi bu Şərtlərlə tam razılaşdığını və onları qəbul etdiyini təsdiq edir.
İstifadəçi Şərtlərlə razı olmadığı təqdirdə, Saytdan istifadəni dayandırmağı tələb olunur.
1. Anlayışlar
Bu Şərtlərdə istifadə olunan anlayışlar aşağıdakı mənaları ifadə edir:
Şirkət / Satıcı – SOLITON LTD MMC (VÖEN: 1400216331), Azərbaycan Respublikasının qanunvericiliyinə uyğun fəaliyyət göstərən hüquqi şəxs.
Sayt – Şirkətə məxsus rəsmi internet platforması www.soliton.az.
İstifadəçi – Yetkinlik yaşına çatmış, Sayta daxil olan və onun funksional imkanlarından istifadə edən fiziki şəxs.
Alıcı – Sayt vasitəsilə sifariş verən və alış əməliyyatı həyata keçirən İstifadəçi.
Sifariş – İstifadəçinin seçdiyi məhsulu elektron səbətə əlavə edərək tələb olunan məlumatları daxil etməsi və sifarişi təsdiqləməsi nəticəsində formalaşan elektron müraciət.
Elektron müqavilə (oferta) – Sifarişin Şirkət tərəfindən təsdiqlənməsi ilə qüvvəyə minən məsafədən satış müqaviləsi.
Məhsul – Saytda təqdim olunan texniki və elektron mallar, aksesuarlar və digər satış obyektləri.
Xidmətlər – Çatdırılma, quraşdırma, texniki dəstək və digər əlavə xidmətlər.
Şəxsi kabinet – İstifadəçinin fərdi hesabı, sifarişlərin izlənməsi və idarə edilməsi üçün nəzərdə tutulmuş bölmə.
2. Ümumi müddəalar
2.1. Saytdan istifadə bu Şərtlərin qəbul edilməsi deməkdir.
2.2. İstifadəçi öz əməliyyatlarına və təqdim etdiyi məlumatların düzgünlüyünə görə məsuliyyət daşıyır.
2.3. Qeydiyyat zamanı təqdim edilən mobil nömrə rəsmi əlaqə vasitəsi hesab olunur və əməliyyatların təsdiqi üçün istifadə edilə bilər.
2.4. Saytda təqdim olunan xidmətlər xəbərdarlıq edilmədən dəyişdirilə, yenilənə və ya dayandırıla bilər.
2.5. Məhsullar barədə məlumatlar istehsalçı məlumatlarına əsaslanır və dəyişdirilə bilər.
2.6. İstifadəçi marketinq bildirişlərindən imtina etmək hüququna malikdir.
2.7. Saytda yerləşdirilən bütün məlumatlar, dizayn elementləri, loqo, mətn, qrafik materiallar və digər kontent Şirkətin mülkiyyətidir və qanunvericiliklə qorunur. Yazılı icazə olmadan istifadə edilə bilməz.
2.8. Şirkət istənilən vaxt bu Şərtlərə dəyişiklik etmək hüququna malikdir. Yenilənmiş versiya Saytda dərc edildiyi andan qüvvəyə minir.
2.9. İstifadəçi Saytdan yalnız qanuni məqsədlərlə istifadə etməyi öhdəsinə götürür.
3. Qeydiyyat və hesabın idarə olunması
3.1. Qeydiyyat İstifadəçiyə əlavə onlayn xidmətlərdən istifadə imkanını yaradır.
3.2. Hər e-poçt ünvanı ilə yalnız bir hesab yaradıla bilər.
3.3. İstifadəçi giriş məlumatlarını məxfi saxlamalı və üçüncü şəxslərə ötürməməlidir.
3.4. Şəxsi kabinet vasitəsilə həyata keçirilən bütün əməliyyatlar İstifadəçinin özü tərəfindən edilmiş hesab olunur.
3.5. Təhlükəsizlik riski yarandıqda, İstifadəçi dərhal şifrəsini dəyişməlidir.
3.6. Şirkət Şərtlərin pozulması halında hesabı məhdudlaşdırmaq və ya ləğv etmək hüququna malikdir.
4. Sifariş və ödəniş şərtləri
4.1. Sifariş İstifadəçinin bu Şərtləri qəbul etməsi deməkdir.
4.2. Sifariş yalnız tələb olunan məlumatlar düzgün təqdim edildikdə rəsmiləşir.
4.3. Ödəniş təsdiqləndikdən sonra sifariş tamamlanmış hesab olunur.
4.4. Şirkət sifarişin tamamlanması və ödənişin alınmasına qədər şərtləri dəyişmək hüququna malikdir.
4.5. Hissə-hissə ödəniş və komissiya qaydaları sifariş zamanı göstərilən şərtlərə uyğun həyata keçirilir.
4.5.1. Hissə-hissə ödəniş və komissiya şərtləri:
- Məişət texnikası və elektronika: ödəniş komissiyası 7%, minimum 20 AZN;
- Mobil telefonlar: ödəniş komissiyası 9%, minimum 20 AZN;
- Mobil aksesuarlar: ödəniş komissiyası 9%, minimum 10 AZN.
4.6. Saytda yerləşdirilən məhsul qiymətləri və mövcudluq məlumatları real vaxt rejimində yenilənə bilər. Texniki xəta və ya sistem nasazlığı nəticəsində yanlış qiymət göstərildiyi halda, Şirkət sifarişi təsdiqləməmək və ya ləğv etmək hüququna malikdir.
4.7. Sifarişin qüvvəyə minməsi üçün Şirkət tərəfindən SMS, zəng və ya elektron bildiriş vasitəsilə təsdiq həyata keçirilə bilər. Təsdiq edilməmiş sifariş hüquqi qüvvəyə malik hesab edilmir.
4.8. Hissə-hissə ödəniş zamanı komissiya məbləği sifarişin ümumi dəyərinə əlavə edilir və səbətdə ayrıca göstərilir. İstifadəçi sifarişi təsdiqləməzdən əvvəl yekun məbləği görmək imkanı əldə edir.
4.9. Şirkət dələduzluq və ya şübhəli əməliyyat ehtimalı yarandıqda sifarişi əlavə təsdiq proseduruna cəlb etmək və ya birtərəfli qaydada ləğv etmək hüququna malikdir.
4.10. Onlayn alış zamanı seçilmiş ödəniş üsulu sifariş rəsmiləşdirilməzdən əvvəl İstifadəçi tərəfindən təsdiq edilir. Ödənişin həyata keçirilməsi sifarişin icrası üçün əsas şərt hesab olunur.
4.10.1. Onlayn alış zamanı ödəniş üsulları və qaydaları:
- Nağd ödəniş (debet və ya kredit kartı);
- Taksit kartı vasitəsilə ödəniş;
- Yerində ödəniş (çatdırılma və ya məhsulun təhvil alınması zamanı).
4.11. Ödənişin geri qaytarılması və bank prosedurları:
- Sifarişin ləğvi, geri qaytarılması və ya qanunvericiliklə nəzərdə tutulmuş digər hallarda ödənilmiş məbləğin qaytarılması müvafiq qaydada həyata keçirilir;
- Geri ödəniş prosesi bankın daxili qaydalarına və texniki emal müddətinə uyğun olaraq bank iş günləri çərçivəsində icra edilir;
- Vəsaitin İstifadəçinin hesabına köçürülmə müddəti istifadə olunan ödəniş sistemi və bank prosedurlarından asılı olaraq dəyişə bilər;
- Şirkət bank və ya ödəniş xidməti provayderinin gecikmələrinə görə məsuliyyət daşımır.
5. Məhsulun çatdırılması və xidmətlər
5.1. Çatdırılma və xidmətlər sifariş zamanı göstərilən şərtlərə uyğun həyata keçirilir.
5.2. Məhsul itdikdə və ya zədələndikdə ödənilmiş məbləğ geri qaytarılır.
5.3. Çatdırılma müddətləri və ödəniş şərtləri sifariş zamanı ayrıca göstərilir.
5.4. Məhsulun faktiki görünüşü şəkillərdən fərqlənə bilər.
5.5. Stokda olmayan məhsullar üzrə sifariş ləğv edilə bilər.
5.6. Çatdırılma xidməti yalnız şirkət əməkdaşları tərəfindən həyata keçirilir.
5.7. Çatdırılma zamanı məhsul Alıcı tərəfindən yoxlanılmalı və görünən qüsur aşkar edildiyi halda dərhal akt tərtib edilməlidir. Sonradan irəli sürülən iddialar ayrıca araşdırıla bilər.
5.8. Məhsulun quraşdırılması tələb olunduğu hallarda, xidmət yalnız rəsmi texniki heyət tərəfindən həyata keçirilir. Üçüncü şəxslərin müdaxiləsi zəmanət şərtlərinə təsir göstərə bilər.
6. Məsuliyyət və ləğv hüququ
6.1. Sayt mövcud texniki vəziyyətində (“olduğu kimi”) təqdim olunur və fasiləsiz və ya xətasız işləyəcəyinə zəmanət verilmir.
6.2. Şirkət aşağıdakı hallara görə məsuliyyət daşımır:
- Saytın işində yaranan müvəqqəti fasilələr və texniki nasazlıqlar;
- Məlumatların itirilməsi və ya gec ötürülməsi;
- Üçüncü şəxslərin hərəkətləri və ya müdaxiləsi;
- İstifadəçi tərəfindən təqdim edilən yanlış və ya natamam məlumatlar;
- İstifadəçinin bu Şərtlərə əməl etməməsi nəticəsində yaranan zərərlər.
6.3. Şirkət, İstifadəçi tərəfindən bu Şərtlərin pozulması aşkar edildiyi halda, sifarişi birtərəfli qaydada ləğv etmək və ödənişi geri qaytarmaq hüququna malikdir.
6.4. Şirkət, İstifadəçi tərəfindən təqdim edilmiş yanlış məlumat, ödəniş öhdəliklərinin yerinə yetirilməməsi, sistemdən sui-istifadə və ya digər hüquqazidd hərəkətlər aşkar edildiyi halda sifarişi birtərəfli qaydada ləğv etmək hüququna malikdir.
6.5. Şərtlərin pozulması aşkar edildikdə, Şirkət sifarişin icrasını dayandırmaq, ləğv etmək və ya İstifadəçinin hesabına çıxışı məhdudlaşdırmaq hüququnu özündə saxlayır.
6.6. Ləğv edilmiş sifariş üzrə ödənilmiş məbləğ qanunvericiliyə uyğun qaydada geri qaytarılır.
7. Qanunvericilik və mübahisələrin həlli
7.1. Bu Şərtlər Azərbaycan Respublikasının qüvvədə olan qanunvericiliyinə uyğun tənzimlənir.
7.2. Mübahisələr ilkin olaraq danışıqlar yolu ilə həll edilir, nəticə əldə olunmadıqda məhkəmə qaydasında baxılır.
8. Əlaqə məlumatları
E-mail: [email protected]
Çağrı mərkəzi: 180 (09:30–18:00)
Mobil / WhatsApp: 055 444 0 180
Zənglə sifariş: 055 525 35 01