Televizor necə seçim?

Bizim internet mağazada siz müxtəlif markalı televizorlar tapa bilərsiniz. Bu fərgliliyi necə başa düşmək və tam olaraq sizə uyğun olan modeli necə seçmək olar? Bütün bu aktual sualları məqalədə nəzərdən keçirəcəyik.

 

Göstərmə texnologiyası və ekran diaqonalının razmeri

 

HD-Ready

(1366x768 piksel)

Bu formatda 32 düym diaqonallı və ya büdcə televizorlar istehsal olunur. HD-Ready cihazları mətbəx və kiçik otaqlar üçün idealdır. Minimum göstərmə texnologiyası 720-dir və bu o deməkdir ki televizor minimum 1280x720 piksel olmalıdır. Model seçimi kifayət qədər genişdir və asanlıqla daxili interyer üçün hər hansı bir cihaz seçə bilərsiniz.

 

Full HD

(1920x1080 piksel)

Full HD ən populyar bir formatdır və sayca HD-Ready-ni keçir. Diaqonalı 32 düym və ya daha az olan modellərdə bu fərq çox nəzərə çarpmasa da, “böyük” televizorlarda əksinə bunu aydın hiss etmək olur. Full HD formatlı televizorlar görüntünü pozmadan yüksək dəqiqlik ilə bütün videoları (1920 × 1080-ə qədər) dəstəkləyir. Yalnız bu növ televizor aldığınız zaman bütün funksiyaları yoxlamağı unutmayın. Bu format sayəsində siz televizora yaxın əyləşsəniz belə ən kiçik detalları izləmək istədiyinizdə belə heç bir diskomfort hissi keçirməyəcəksiniz.

 

Mayə kristallar

Led LCD

Bu düz panelli model, televizor bazarının  90%-dən çoxunu təşkil edir.  Onlar nazik,yüngüldür və enerjini az sərf edirlər.  LCD televizorların arxa hissəsindəki işığı ağ işıq yayan diodlar (LED) təşkil edir. Bu onun həm güclü, həm də zəif tərəfidir.

Müsbət cəhətlər: münasib qiymət. yüksək parlaqlıq, geniş çeşidli modellər,kiçik panel qalınlığı.

Mənfi cəhətlər: nisbətən aşağı kontrast.

 

Orqanik işıq diodlar

Oled

Oled televiziya texnologiyalarının zirvəsi hesab olunur. Oled televizorlarında orqanik işıq diodlarından ibarət panel istifadə olunur ki hər biri işıq mənbəyidir. Arxa işıqlandırma qurğusuna ehtiyac olmadığı üçün bu televizorların bir sıra avantajları var: onlar LCD televizorlardan daha nazikdir (flaqman modellərində ekran qalınlığı 3 mm-dən azdır) və görüntü keyfiyyəti xeyli yaxşıdır. OLED televizorları həqiqi görünüşə, ən yüksək kontrasta və dəqiq rənglərin bərpasına malikdir (milyarddan çox rəng verir).

Müsbət cəhətlər: minimum panel qalınlığı, yüksək kontrast.

Mənfi cəhətlər: yüksək qiymət, az seçimin olması.

 

Kvant nöqtələr

Qled və NanoCell

Bu format 100% rəng həcmini sərgiləmək üçün kvant nöqtə texnologiyasından yararlanır. Kvant nöqtələri (nano hissəcikləri) işığı bir milyard kölgəyə çevirir. Hər bir izləyici təbii, parlaq və çox detallı bir görüntüyə sahib ola bilər. Bu modellər orta və daha yüksək qiymət kategoriyasına aiddir. Lakin onuda qeyd etmək lazımdır ki, NanoCell formatında televizorlar daha münasib qiymətdədir.

Müsbət cəhətlər: əla kontrast, təkmilləşdirilmiş baxış bucaqları, aydın görüntü.

Mənfi cəhətlər: yüksək qiymət.

 

Smart TV

Müasir televizorların demək olar ki hamısının (azbüdcəli televizorlar istisna olmaqla) arsenalında Smart Tv-dən nələrsə vardır. Belə bir cihaz alaraq, onu İnternetə bağlamaq və bir brauzerdən, onlayn kinoteatrlardan və digər xidmətlərdən istifadə etmək imkanı əldə edəcəksiniz. Bir çox pullu abunə SMART TV-nin imkanlarını dahada genişləndirəcək, məsələn, evinizdən çıxmadan ən yüksək səviyyəli film yeniliklərini izləyə bilərsiniz.

Alıcının diqqət yetirməli olduğu məqamlar: səs nəzarəti, sürət və sabitlik, quraşdırılmış veb kamera,interfeys rahatlığı,brauzer və nəzarət.