Qızıl Zəmanət

1. QIZIL ZƏMANƏT
 

“Qızıl Zəmanət – Ekran” - Cihazın satış tarixindən başlayaraq göstərilən müddət ərzində istehsalçının və ya istifadəçinin təqsiri* səbəbindən yaranmış yalnız EKRAN nasazlığının ödənişsiz şəkildə bərpası deməkdir. Cihazın zədə almış digər ehtiyat hissələrinə ödənişli xidmət göstəriləcəkdir.

1. “Qızıl Zəmanət – Ekran” qüvvədə olduğu müddətdə müştəri ehtiyatsızlığı ucbatından zədələnmiş ekran yalnız 1 dəfə olmaqla ödənişsiz təmir edilir.
2. “Qızıl Zəmanət – Ekran” ilə bərpa və ya dəyişdirilmiş ekrana 30 (otuz) gün normal istehsalçı zəmanəti verilir.
3. “Qızıl Zəmanət – Ekran” digər ehtiyat hissələrə və aksesuarlara şamil edilmir.
4. “Qızıl Zəmanət – Ekran” xidməti göstərilməsi üçün alıcı (zəmanət kartında qeyd olunan şəxs) özü şəxsiyyət vəsiqəsi ilə müraciət etməlidir.
5. Cihazda kənar müdaxilə, mexaniki zərbə, zədə, cızıq, maye, deformasiya və yanıq izləri olmazsa, göstərilmiş müddət ərzində adi istehsalçı zəmanəti qüvvədə olacaqdır.**
6. Təmir məqsədi ilə qəbul olunmuş cihaz 14-30 iş günü ərzində təmir edilərək geri qaytarılacaqdır.

Əlavə Məlumatlar:
1. Məhsul (telefon, notbuk, planşet, playstation, televizor və s.) təmirə təqdim edildikdə yaddaşında olan şəxsi məlumat və fayılların saxlanılmasına "Soliton Servis" məsuliyyət daşımır.
2. Məhsulun təmirin bitməsi haqda müştəriyə məlumat verildikdən 90 (doxsan) gün ərzində məhsul təhvil götürülməlidir. Təhvil götürülmədiyi halda məhsulun itməsinə və fiziki görünüşün pozulmasına "Soliton Servis" məsuliyyət daşımayacaqdır.
3. Alış tarixinin ilk 14 (on dörd) günündə dəyişilmə qaydası “İstehlakçıların hüquqlarının müdafiəsi haqqında” qanunvericiliyə uyğun olaraq yerinə yetiriləcəkdir.

Qızıl Zəmanət Sertifikatının qüvvədən düşmə halları:
1. Səlahiyyəti olmayan kənar şəxslərin texniki baxış və ya təmirinə məruz qalarsa.
2. Alıcı razılaşdırılmış kredit müqaviləsinə əsasən ödənişini vaxtında ödəməzsə.
 

2. ULTRA QIZIL ZƏMANƏT
 

“Ultra Qızıl Zəmanət” Sertifikatı - Cihazın satış tarixindən başlayaraq göstərilən müddət ərzində istifadəçinin ehtiyatsızlığı nəticəsində yarana biləcək qüsurların tam ödənişsiz şəkildə bərpası deməkdir.
-  Məhsulun zədələnərək sıradan çıxdığı hallar;
-  Məhsula maye keçmə halları;
-  Açıq alovla təmas nəticəsində məhsulun sıradan çıxma halları;
-  Məhsulun istifadəsi zamanı proqramda yaranan xətalar və s.

"Ultra Qızıl Zəmanət" Sertifakatının verdiyi əlavə imkanlar:
1. "Ultra Qızıl Zəmanət" Sertifikatı alınan andan 14 (on dörd) gün ərzində heç bir servis xidmətindən istifadə edilməyibsə, geri qaytarıla bilər.
2. Müştəri zəmanət müddətinin ilk 1 (bir) ili ərzində "Ultra Qızıl Zəmanət" Sertifikatından istifadə edərək güzəştli şərtlərlə məhsulu dəyişə bilər. (Cədvəl 1)***
- Öncə əldə edilən məhsul (komplektasiya ilə) "Soliton Servis"-ə təqdim edilir.
- Yeni məhsul yalnız Soliton mağazalar şəbəkəsindən alınmalıdır.
- Öncəki məhsul hissəli satışla əldə edilibsə, kredit cədvəlinə uyğun olaraq ödənişlər davam etdirilir.
- Daha öncə məhsul "Ultra Qızıl Zəmanət" Sertifikatı əsasında təmir edilibsə, güzəştli dəyişmək imkanı qüvvədən düşür.
3. Əgər məhsulun təmiri mümkün deyilsə, müştəri güzəştli dəyişdirilmə şərtindən (Bənd 2) yararlana bilər.****

Məhsula kompensasiya məbləği hesablanan hallar: (Cədvəl 2)***
1. Məhsul təmirə yararsız olduğu halda;*****
2. Məhsulda 3 (üç) və ya daha çox ehtiyat hissəsi dəyişiləcəyi halda;
3. Təmir məbləği məhsulun satış qiymətindən yüksək olduğu halda.

Əsas qaydalar:
1. Məhsulun istifadəsi nəticəsində yaranan bütün qüsurlar zəmanət müddəti çərçivəsində hər ehtiyat hissəsi yalnız 1 (bir) dəfə olmaq şərti ilə tam ödənişsiz bərpa edilir.
2. Məhsulun korpus hissəsində yaranmış zədələr cihazın texniki xarakterinə heç bir mane olmursa, onun dəyişilib dəyişilməməsinə "Soliton Servis" mühəndisləri tərəfindən qərar veriləcəkdir.  
3. "Ultra Qızıl Zəmanət" Sertifikatı ilə bərpa və ya dəyişdirilmiş ehtiyat hissəsinə 30 (otuz) gün normal istehsalçı zəmanəti verilir.
4. İstənilən səbəbdən müştəriyə təqdim edilən kompensasiya yalnız Soliton mağazalar şəbəkəsində istifadə edilə bilər. (Cədvəl 1)
5. Məhsulun komplektasiyasına daxil olan aksesuarlara və daxili batareyalara "Ultra Qızıl Zəmanət" Sertifikatı şamil edilmir.
6. Cihaza texniki xidmət yalnız Soliton alıcısı (müqavilə bağlanmış şəxs) tərəfindən müraciət olunarsa, təmin ediləcəkdir. Sertifikat digər şəxslərə bağışlana və ya satıla bilməz.

Əlavə Məlumatlar:
1. Məhsul (telefon, notbuk, planşet, playstation, televizor və s.) təmirə təqdim edildikdə yaddaşında olan şəxsi məlumat və fayılların saxlanılmasına "Soliton Servis" məsuliyyət daşımır.
2. Məhsulun təmirin bitməsi haqda müştəriyə məlumat verildikdən 90 (doxsan) gün ərzində məhsul təhvil götürülməlidir. Təhvil götürülmədiyi halda məhsulun itməsinə və fiziki görünüşün pozulmasına "Soliton Servis" məsuliyyət daşımayacaqdır.
3. Alış tarixinin ilk 14 (on dörd) günündə dəyişilmə qaydası “İstehlakçıların hüquqlarının müdafiəsi haqqında” qanunvericiliyinə uyğun olaraq yerinə yetiriləcəkdir.

Ultra Qızıl Zəmanət Sertifikatının qüvvədən düşümə halları:
1. Məhsul digər servis və ya kənar şəxslərin texniki baxış və ya təmirinə məruz qalarsa;
2. Alıcı razılaşılmış borc müqaviləsinə əsasən ödənişi vaxtında ödəməzsə.

Tarif:

Qeydlər:
* Müştəri təqsiri dedikdə, istifadəçinin ehtiyatsızlığından yaranmış sınma, suya düşmə və s. halları nəzərdə tutulur (Yanğın hadisəsi istisna olmaqla).
** İstifadəçi ehtiyatsızılığı nəticəsində "Qızıl Zəmanət - Ekran" zəmanətindən yararlanaraq ekran yenisi ilə dəyişdirilərsə, cihazın digər ehtiyat hissələri adi zəmanətdən çıxmış olacaqdır.
*** Güzəştli şərtlərdən istifadə servis təsdiqi və razılığı əsasında həyata keçiriləcəkdir.
**** Məhsul daha öncə "Ultra Qızıl Zəmanət" Sertifikatı əsasında təmir edilibsə, təmir məbləği güzəşt məbləğindən çıxılacaqdır.
***** Müştəri məhsulun qiymətinin 15%-ini əlavə ödəməklə məhsulun 100% dəyərini Soliton mağazalarında istifadə etmə şərtilə kompensasiya qismində əldə edə bilər.