Zəmanət – Məhsulun satış tarixindən başlayaraq göstərilən müddət ərzində istehsalçının təqsiri üzündən yaranmış nasazlıqların aradan qaldırılması, sıradan çıxmış hissənin ödənişsiz şəkildə bərpası deməkdir.
Zəmanətli təmir məqsədi ilə qəbul olunmuş cihazların təmir prosesi 14-30 iş günü ərzində yekunlaşır. Zəmanətli təmir prosesi hər hansısa səbəbə görə 14 iş günündən artıq çəkərsə, təmirə sərf olunan əlavə gün zəmanət müddətin üzərinə gələcəkdir.
İstehsalçı aşağıdakı hallarda zəmanət öhdəlikləri daşımır və məhsul üzrə zəmanət xidməti ləğv olunur:
- Yaranmış qüsur fors-major, bədbəxt hadisələr, istehlakçının və ya üçüncü şəxslərin qəsdən və ya ehtiyatsız hərəkətləri nəticəsində yaranıbsa.
- İstehsalçı tərəfindən icazə verilməyən və səlahiyyəti olmayan kənar şəxslər tərəfindən məhsul texniki baxış və ya təmirə məruz qalarsa.
- Məhsula istehsalçı tərəfindən etigetlənmiş toxunulmaz möhür (plomb) zədələnərsə.
- Şəxsi (məişət, ailə) ehtiyaclar üçün nəzərdə tutulmuş məhsul sahibkarlıq fəaliyyəti üçün, habelə təyinatına uyğun olmayan digər məqsədlər üçün istifadə edilmişdirsə.
- İstifadəçi təlimatında və məhsulla birlikdə istehlakçıya təhvil verilmiş digər sənədlərdə göstərilən məhsulun istismarı, quraşdırılması qaydaları və şərtlərinə riayət edilməyibsə.
- İstehsalçı tərəfindən təmin edilməyən daxili və ya xarici cihazlardan (qeyri original) istifadə edilərsə.
- Məhsul istehlakçıya verildikdən sonra mexaniki zədələnmə, deformasiya, nəmə, yüksək və ya aşağı temperatura məruz qalma, korroziya, oksidləşmə, yad cisimlərin, maddələrin, mayelərin, həşəratların daxil olması nəticəsində yaranmış defektlər aşkar edildikdə.
- Qüsur elektrik enerjisində yaranmış nasazlıqlarla bağlıdırsa. Qısa qapanma, aşağı və ya yüksək elektrik gərginliyi nəticəsində enerji qida blokunda və ya cihazda qüsur yaranarsa.
- Qüsur qeyri-standart və ya aşağı keyfiyyətli (zədələnmiş) istehlak materiallarının, aksesuarların, ehtiyat hissələrinin, batareyaların, müxtəlif növ daşıyıcıların istifadəsi nəticəsində baş verdikdə.
- Məhsulun markalanma etiketlərində göstərilən məlumatlara düzəlişlər edildikdə, silindikdə, habelə məhsulda markalanma etiketləri olmadıqda.
Zəmanətli xidmətə aid edilmir:
- Cihazın ümumi istifadə qaydalarına riayət edilməməsi nəticəsində yaranan nasazlıqlar.
- Mexaniki zədələnmələr (sürtünmə, tozlanma, deformasiya, zərbə və ya zədə, maye və s.)
- İstehsalçı proqram təminatı, (android, ios və s.) kompüter viruslarına və analoji proqramlara məruz qalma nəticəsində qüsur yaranarsa; İstifadəçi tərəfindən quraşdırılmış şifrələnmə (kod) qüsuru olarsa.
- Nasazlıq, məhsulun istismarı zamanı təbii aşınma nəticəsində yaranıbsa. Eyni zamanda, təbii aşınma dedikdə, bu məhsulun uzun müddət istifadəsi nəticəsində onların texniki vəziyyətinin və xarici görünüşünün korlanmasına səbəb olan məhsul istismarının nəticələri başa düşülür.
- İstehsalçı tərəfindən cihazla birlikdə verilmiş aksesuarlara (adapter, naqil, ekran qoruyucu və s.) zəmanət verilmir.