"MƏHSUL VƏ SATIŞ DAVRANIŞI" MÖVZUSUNDA TƏLİM KEÇİRİLDİ.

1-2 aprel tarixlərində "Qafqaz Baku City&Residences" otelində "Soliton LTD" və "Beko" şirkətinin təşkil etdiyi "Məhsul və Satış Davranışı" mövzusuyla bağlı təlim keçirildi. 2 gün müddətində davam edən təlim boyunca Arçelik şirkətinin təlim və təhsil üzrə mütəxəssisi Dr. Can Kulaksız iştirakçıları bu mövzuda məlumatlandırdı.
Təlimin ilk günündə satışı həyata keçirilən markalar haqqında geniş informasiya ilə yanaşı, soyuducu, paltaryuyan maşın, qabyuyan maşın, kondisionerlər, sobalar və televizorların istehsal prosesi və texnologiyaları haqqında geniş məlumat verildi. Təlimin ikinci günündə isə şirkətin təmsilçiləri ilə müştəri arasındakı əlaqələr müzakirə edildi. Diskussiya şəklində davam edən "Məhsul və Satış Davranışı" təlimində Dr. Can Kulaksız ilə yanaşı, iştirakçılar da müştəri ilə yaşanan təcrübələrindən söz açdılar.
Sonda təlimdə iştirak edən hər kəs sertifikatla təltif edildi.