1. QIZIL ZƏMANƏT – EKRAN
“Qızıl Zəmanət – Ekran” — cihazın satış tarixindən başlayaraq göstərilən müddət ərzində istehsalçının və ya istifadəçinin təqsiri* səbəbindən yaranmış yalnız EKRAN nasazlığının ödənişsiz şəkildə bərpa edilməsi deməkdir. Cihazın zədələnmiş digər ehtiyat hissələrinə ödənişli xidmət göstəriləcəkdir.
1. “Qızıl Zəmanət – Ekran” qüvvədə olduğu müddətdə müştərinin ehtiyatsızlığı nəticəsində zədələnmiş ekran yalnız 1 (bir) dəfə ödənişsiz təmir edilir.
2. “Qızıl Zəmanət – Ekran” çərçivəsində bərpa edilmiş və ya dəyişdirilmiş ekrana 30 (otuz) gün müddətində normal istehsalçı zəmanəti verilir.
3. “Qızıl Zəmanət – Ekran” digər ehtiyat hissələrinə və aksesuarlara şamil edilmir.
4. “Qızıl Zəmanət – Ekran” xidmətindən yararlanmaq üçün alıcı (zəmanət kartında qeyd olunan şəxs) şəxsiyyət vəsiqəsi ilə özü müraciət etməlidir.
5. Cihazda kənar müdaxilə, mexaniki zərbə, zədə, cızıq, maye, deformasiya və yanıq izləri olmadıqda, göstərilmiş müddət ərzində adi istehsalçı zəmanəti qüvvədə olacaqdır.**
6. Təmir məqsədilə qəbul olunmuş cihaz 14–30 iş günü ərzində təmir edilərək geri qaytarılacaqdır.
Əlavə Məlumatlar:
1. Məhsul (telefon, notbuk, planşet, PlayStation, televizor və s.) təmirə təqdim edildikdə onun yaddaşında olan şəxsi məlumatların və faylların saxlanılmasına görə “Soliton Servis” məsuliyyət daşımır.
2. Məhsulun təmirinin başa çatması barədə müştəriyə məlumat verildikdən sonra 90 (doxsan) gün ərzində məhsul təhvil götürülməlidir. Məhsulun bu müddət ərzində təhvil götürülmədiyi halda onun itməsinə və fiziki görünüşünün pozulmasına görə “Soliton Servis” məsuliyyət daşımayacaqdır.
3. Alış tarixindən etibarən ilk 14 (on dörd) gün ərzində dəyişdirilmə qaydası “İstehlakçıların hüquqlarının müdafiəsi haqqında” qanunvericiliyə uyğun olaraq həyata keçiriləcəkdir.
Qızıl Zəmanət Sertifikatının qüvvədən düşmə halları:
1. Səlahiyyəti olmayan kənar şəxslər tərəfindən texniki baxışdan keçirildikdə və ya təmir edildikdə.
2. Alıcı razılaşdırılmış kredit müqaviləsinə əsasən ödənişini vaxtında ödəmədikdə.
2. ULTRA QIZIL ZƏMANƏT
“Ultra Qızıl Zəmanət” Sertifikatı — cihazın satış tarixindən başlayaraq göstərilən müddət ərzində istifadəçinin ehtiyatsızlığı nəticəsində yarana biləcək qüsurların tam ödənişsiz şəkildə bərpa edilməsi deməkdir.
- Məhsulun zədələnərək sıradan çıxdığı hallar;
- Məhsula maye keçməsi halları;
- Açıq alovla təmas nəticəsində məhsulun sıradan çıxması halları;
- Məhsulun istifadəsi zamanı proqramda yaranan xətalar və s.
"Ultra Qızıl Zəmanət" Sertifikatının verdiyi əlavə imkanlar:
1. “Ultra Qızıl Zəmanət” Sertifikatı alındığı andan etibarən 14 (on dörd) gün ərzində heç bir servis xidmətindən istifadə edilməyibsə, geri qaytarıla bilər.
2. Müştəri zəmanət müddətinin ilk 1 (bir) ili ərzində “Ultra Qızıl Zəmanət” Sertifikatından istifadə edərək güzəştli şərtlərlə məhsulu dəyişə bilər. (Cədvəl 1)***
- Əvvəl əldə edilmiş məhsul (komplektasiya ilə) “Soliton Servis”ə təqdim edilir.
- Yeni məhsul yalnız Soliton mağazalar şəbəkəsindən alınmalıdır.
- Əvvəlki məhsul hissəli satışla əldə edilibsə, kredit cədvəlinə uyğun olaraq ödənişlər davam etdirilir.
- Daha əvvəl məhsul “Ultra Qızıl Zəmanət” Sertifikatı əsasında təmir edilibsə, güzəştli dəyişdirmə imkanı qüvvədən düşür.
3. Əgər məhsulun təmiri mümkün deyilsə, müştəri güzəştli dəyişdirmə şərtindən (Bənd 2) yararlana bilər.****
|
Cədvəl 1 |
|
|
Müraciət olunan tarix |
Güzəşt məbləği |
|
1-ci rüb (1-3 ay) |
70% |
|
2-ci rüb (4-6 ay) |
60% |
|
3-cü rüb (7-9 ay) |
50% |
|
4-cü rüb (10-12 ay) |
40% |
Məhsula kompensasiya məbləği hesablanan hallar: (Cədvəl 2)***
1. Məhsul təmirə yararsız olduğu halda;*****
2. Məhsulda 3 (üç) və ya daha çox ehtiyat hissəsi dəyişdiriləcəyi halda;
3. Təmir məbləği məhsulun satış qiymətindən yüksək olduğu halda.
|
Cədvəl 2 |
|
|
Müraciət olunan tarix |
Kompensasiya |
|
1-ci rüb (1-3 ay) |
75% |
|
2-ci rüb (4-6 ay) |
65% |
|
3-cü rüb (7-9 ay) |
55% |
|
4-cü rüb (10-12 ay) |
50% |
Əsas qaydalar:
1. Məhsulun istifadəsi nəticəsində yaranan bütün qüsurlar zəmanət müddəti çərçivəsində, hər bir ehtiyat hissəsi yalnız 1 (bir) dəfə olmaq şərtilə, tam ödənişsiz bərpa edilir.
2. Məhsulun korpus hissəsində yaranmış zədələr cihazın texniki funksionallığına heç bir maneə yaratmırsa, həmin hissənin dəyişdirilib-dəyişdirilməməsinə “Soliton Servis” mühəndisləri tərəfindən qərar veriləcəkdir.
3. “Ultra Qızıl Zəmanət” Sertifikatı ilə bərpa edilmiş və ya dəyişdirilmiş ehtiyat hissəsinə 30 (otuz) gün müddətində normal istehsalçı zəmanəti verilir.
4. İstənilən səbəbdən müştəriyə təqdim edilən kompensasiya yalnız Soliton mağazalar şəbəkəsində istifadə edilə bilər. (Cədvəl 1)
5. Məhsulun komplektasiyasına daxil olan aksesuarlara və daxili batareyalara “Ultra Qızıl Zəmanət” Sertifikatı şamil edilmir.
6. Cihaza texniki xidmət yalnız Soliton alıcısı (müqavilə bağlanmış şəxs) tərəfindən müraciət edildikdə təmin ediləcəkdir. Sertifikat digər şəxslərə bağışlana və ya satıla bilməz.
Əlavə Məlumatlar:
1. Məhsul (telefon, notbuk, planşet, PlayStation, televizor və s.) təmirə təqdim edildikdə onun yaddaşında olan şəxsi məlumatların və faylların saxlanılmasına görə “Soliton Servis” məsuliyyət daşımır.
2. Məhsulun təmirinin başa çatması barədə müştəriyə məlumat verildikdən sonra 90 (doxsan) gün ərzində məhsul təhvil götürülməlidir. Məhsulun bu müddət ərzində təhvil götürülmədiyi halda onun itməsinə və fiziki görünüşünün pozulmasına görə “Soliton Servis” məsuliyyət daşımayacaqdır.
3. Alış tarixindən etibarən ilk 14 (on dörd) gün ərzində dəyişdirilmə qaydası “İstehlakçıların hüquqlarının müdafiəsi haqqında” qanunvericiliyə uyğun olaraq həyata keçiriləcəkdir.
Ultra Qızıl Zəmanət Sertifikatının qüvvədən düşmə halları:
1. Məhsul digər servis və ya kənar şəxslər tərəfindən texniki baxışdan keçirildikdə və ya təmir edildikdə;
2. Alıcı razılaşdırılmış borc müqaviləsinə əsasən ödənişini vaxtında ödəmədikdə.
Tarif:
|
Müddət |
Smart Kateqoriya |
|
12 ay |
15% |