Стиральные Машины - Soliton Mağazalar Şəbəkəsi(104)

Tutum (kq), sıxma sürəti, motor tipi (inverter), səs səviyyəsi, əlavə texnologiyalar (buxar, çirklilik sensoru və s.), qurutma funksiyası və quraşdırılma növü (solo/quraşdırılan) əsas meyarlardır.

Təxmini olaraq 1-2 nəfər üçün 5-7 kq, 3-4 nəfərlik ailə üçün 7-9 kq, 5 və daha çox nəfər və ya tez-tez yorğan, ədyal yuyanlar üçün 9 kq və yuxarı tövsiyə olunur. Soliton-da paltaryuyan maşınların 5 kq-dan 12 kq-a qədər tutumlu modelləri mövcuddur.

Sıxma sürəti yuyulmuş paltarın nə qədər quru çıxacağını təyin edir. 1000-1200 dövr/dəq gündəlik istifadə üçün əksər hallarda kifayətdir; 1400 və yuxarı paltarı daha quru çıxarır, lakin parçanı daha çox aşındırır və səs-küyü artırır. Zərif parçalar üçün aşağı sıxma sürəti seçilir.

İnverter motor sürəti yükə və proqrama uyğun tənzimləyir. Adi motorlara nisbətən daha sakit işləyir, daha az elektrik sərf edir və adətən daha uzunömürlü olur. Beko ProSmart™ Inverter Motor kimi texnologiyalar bu prinsipə əsaslanır.

Qurutmalı maşın həm yuma, həm qurutma funksiyasını bir cihazda birləşdirir və ayrıca quruducu üçün yer ayırmağa ehtiyac qoymur. Qurutma tutumu adətən yuma tutumundan az olur və proses daha uzun çəkir. Soliton-da qurutmalı paltaryuyan modelləri ilə tnış ooa bilərsiniz.

Buxar funksiyası paltarın qırışlarını azaldır, tozu və allergenləri təmizləməyə kömək edir və bəzi modellərdə paltarı yenidən təzələmək üçün də istifadə olunur. Mövcudluğu modeldən asılıdır.

Bu göstərici maşının yuma zamanı çıxardığı səs-küyü bildirir; dB nə qədər aşağıdırsa, maşın bir o qədər sakit işləyir. Bu, xüsusilə mənzildə yaşayanlar və gecə paltar yuyanlar üçün vacibdir.

Gündəlik pambıq paltarlar üçün adətən 40°C, daha çirkli ağ parçalar və yataq dəstləri üçün 60°C, rəngli, zərif və sintetik parçalar üçün isə 30°C tövsiyə olunur. Həmişə paltarın etiketindəki qaydalara baxmaq lazımdır.

Maşını ayda bir dəfə boş halda yüksək temperaturlu proqramla (məsələn, 60°C) işlətmək, qapı rezini, toz qabını və drenaj filtrini mütəmadi təmizləmək pis qoxunun və yığıntının qarşısını alır. Yuyulmadan sonra qapını bir qədər açıq saxlamaq da nəmliyi azaldır.

Bəli, paltaryuyan maşınları ilkin ödənişsiz, 6, 12 və 18 aya bölərək hissə-hissə almaq mümkündür. Kampaniya çərçivəsində məhsulları həmçinin, komissiya ödəmədən də əldə edə bilərsiniz.